Einzelstück 3 - Herzogen Albrechts Mandat an die von Steyr, dass man übern Pyhrn niemand als etlichen einen benannten Städten Eisen und andere venezianische Waren zu führen verstatten solle (30.11.1370)

Urkundenbuch des Landes ob der Enns, Bd. 8, S. 495-496:
"Wir Albrecht von Gots gnaden hertzog ze Osterreich ze Steyr ze Kernden und ze Krain Graf ze Tyrol etc. embieten unsern getrewen dem richter und dem rate ze Steyr unser gnad und alles gut, wir emphelhen ew und wellen gar ernstlich bei unsern hulten, daz ir von unser wegen vast wendet und understet daz niemanden wer der sey mit seiner koufmanschaft heraus von Venedi über den Piern vare noch arbaitte denn die rechten strazze über die Zeyregg [Oberzeiring] auzgenommen unsern burgern von Ens und Lintz von Wels von Gmunden und von der Freynstat, die sulln und mugen mit ir hab und koufmanschaft varen alz das von alter herkomen ist, und swa ir daruber chomet auf solch koufmanschaft die man für Ratstat oder ander ungewonlich strazzen heraus furet über den Piern und nicht fur unser mautstatt, daz ir die haftet und niederleget und die innhabet zu unsern handen. Daran tut ir gentzlich unser willen. Geben ze Lynnz an samztag vor sant Niclas tag M.ccc.Lxx."